UWC ISAK Yaponiya 11 və 12-ci siniflər üçün Beynəlxalq Bakalavr Diplom Proqramı (İBDP) tədris planı təklif edir. Onun İB-dən əvvəlki 10-cu sinif tədris planı tələbələrə İBDP-nin çətinliklərinə hazırlaşmağa kömək edir, lakin bir çox tələbə UWC ISAK Yaponiya proqramına 11-ci sinifdə qoşulur. Standart kurslarla yanaşı, UWC ISAK Yapon dili, Çin dili, tarix, iqtisadiyyat, elmlər, kino, vizual sənət kimi kurslar təklif edir. 

UWC ISAK Yaponiyada tələbələr idman və dil klublarından tutmuş Birləşmiş Millətlər Modeli (MUN) və debata qədər çoxsaylı birgə tədris fəaliyyətlərindən zövq alırlar. Hal hazırda kollecdə 50-dən klub fəaliyyət göstərir, hamısı tələbələr tərəfindən idarə edilir və illik Layihə Həftəsinin xidmət layihələri ilə tamamlanır. İl ərzində kollecdə sahibkarlar, tədqiqatçılar və novatorlar ilə mühazirə və seminarlar keçirilir. 

İBDP tələbələri 11 və 12-ci siniflər boyu öz iki illik Yaradıcılıq, Fəaliyyət, Xidmət (CAS) layihələrini hazırlayır, həyata keçirir, idarə edirlər. İncəsənət fəaliyyətlərinə teatr klubu, rəqs klubu, xor klubu, film klubu, tələbə jurnalı və. s daxildir. Kollecdə həmçinin çoxsaylı idman klubları (basketbol, voleybol, reqbi, beysbol, badminton, futbol və qaçış daxil olmaqla), açıq havada tədris (yürüş, kamp qurma), kampusdan kənar imkanlar (xizək, snoubord, üzgüçülük) mövcuddur.

UWC ISAK Yaponiya Yay Məktəbi dünyanın hər yerindən olan şagirdlər (12-14 yaş) üçün 2 həftəlik maraqlı proqramdır. Beynəlxalq səviyyəli professor-müəllim heyəti qlobal mövzular, zehinlilik təcrübəsi, liderlik, dizayn innovasiyası, açıq hava fəaliyyəti və Yapon mədəni təcrübələrini ehtiva edən kurikulumla iştirakçılara meydan oxuyur, onları cəlb edir və ruhlandırır. 2010-cu ildən bəri 80-dən çox ölkədən tələbələr yay məktəbində iştirak ediblər.

UWC ISAK Yaponiya ənənəvi Yapon memarlıq prinsiplərinə diqqət yetirməklə mükafat qazanmış memarlar tərəfindən dizayn edilmiş müasir, işıqlı binalara malikdir. Kampus ətrafındakı meşəlik ərazi ilə birlikdə harmoniya təşkil edir, yaşamaq və öyrənmək üçün ruhlandırıcı mühit yaradır.

2016-cı ildə tikintisi tamamlanan Kamiyama Akademik Mərkəzi, sinif otaqları, kitabxana/texnologiya mərkəzi, iş yerləri, iclas otaqları və əsas məktəb ofisini özündə birləşdirən ən müasir, işıqlı binadır. Asama binasında əlavə sinif otaqları, laboratoriyalar, yeməkxana və açıq terras var. Yaşayış binaları, hər birinin xaricə açılan öz qapısı olan Evlər kimi tanınan bir-birinə bağlı bölmələr cərgələridir. Hər evdə 12-18 tələbə yaşayır. 2 və 4 nəfərlik yataq otağına əlavə olaraq, hər evdə geniş kommunal qonaq otağı ilə birlikdə mini mətbəx var. Tam basketbol meydançası və təbii otlu idman meydançası olan gimnaziya və gəzinti/qaçış üçün yollar il boyu istirahət imkanlarını təmin edir.
2021-ci ildə UWC ISAK Yaponiya konfiqurasiyadan asılı olaraq dərslər, sənət sərgiləri, konfranslar və tamaşalar üçün məkan kimi xidmət edən çoxməqsədli obyekt olan The Accord Center-i açdı. 2022-ci ildən etibarən kampusda iki əlavə yeni bina olacaq: sağlamlıq mərkəzi və kampusun incəsənət proqramlarına ev sahibliyi edəcək yaradıcı məkan.

UWC ISAK Yaponiya Naqano vilayətində, Karuizava şəhərində (əhalisi. 20,000), Tokiodan sürət qatarı ilə təxminən 70 dəqiqəlik məsafədə yerləşir. Karuizawa, qarlı qışlar da daxil olmaqla, dörd fərqli fəsilə malik il boyu məşhur kurort yeridir!

11-ci sinfə qəbul üçün tələbələr UWC milli komitəsi və ya UWC Qlobal Seçim Proqramı vasitəsilə müraciət etməlidir. 10-cu sinfə qəbul üçün tələbələr birbaşa UWC ISAK Yaponiyaya müraciət edə bilərlər. UWC ISAK Yaponiya haqqında ətraflı məlumat üçün vebsayta daxil olun